Кыргызстандык Денис Петрашов Токиодогу жайкы Олимпиада оюндарындагы оюнун жыйынтыктады.
27-июлда ал брасс стилинде сууда сүзүү боюнча 200 метрге мелдешке катышты. Жалпысынан бул дисциплина боюнча 40 спортчу ат салышып, алар 5 топко бөлүнүштү. Петрашов экинчи топто баштап, аны 2 мүнөт 10.07 секунд эсебинде жеңип алган.
Ушул аралыктын жыйынтыктоочу протоколунда кыргызстандык 18-орунду ээлеп, эң жакшы убактысы бар 16 спортчу жарым финалга өттү. Петрашовго жарым финалга чыгуу үчүн 0,12 секунд жетишсиз болду.
