Эртең, 16-июнда Бишкекте CAFA Nations Cup 2023 эл аралык чемпионатынын алкагында Кыргызстандын улуттук курамасы Иран менен беттешет. Буга байланыштуу бүгүн, 15-июнда маалымат жыйын болуп өттү.
«Командада маанай эң сонун, баары эртеңки беттешти чыдамсыздык менен күтүп жатышат. Даярдыктар план боюнча жүрүүдө. Буга чейинки Ооганстан менен Ирандын беттешин көрүп, анализ жүргүздүк.
Иран курамасы күчтүү команда, буга эч кандай шек жок. Бирок биз өз жерибизде ойнойбуз. Мен биздин жигиттерге ишенем. Командабыз күчтүү. Ал эми эртең жакшы беттеш болоруна ишенебиз, стадиондо жакшы атмосфера болот. Биздин ишеничибиз акталат!» — деди улуттук кураманын капитаны Валерий Кичин.
