Токтогулда кишини өлтүрө сүзүп, автоунаасын эвакуаторго жүктөп бараткан айдоочу Төө-Ашуудан кармалды. Милицияга 2026-жылдын 20-январь күнү саат 07:40 чамасында Бишкек-Ош автоунаа жолунун 273-чакырымында, т.а. Жалал-Абад облусунун Токтогул районунун аймагындагы жол жээкте болжол менен 60 жаш курактагы эркек кишини автоунаа сүзүп, жансыз денеси жатканы боюнча маалымат келип түшкөн.
Бул окуя Жалал-Абад облусунун Токтогул районунун ички иштер бөлүмү тарабынан каттого алынып, окуя болгон жерге тергөө-ыкчам тобу барып, тиешелүү материалдар чогултулган. Текшерүү учурунда автоунаанын айдоочусу окуя болгон жерден качып кеткени аныкталган.
Жалал-Абад ОИИБ боюнча ЖКККБнын кызматкерлери тарабынан автоунаа менен жаранды сүзүп, качып бараткан Баткен облусунун Лейлек районунун 1997-ж.т. тургуну Г.И. Төө-Ашуудан автоунааны эвакуаторго жүктөп бараткан жеринен кармалып, Токтогул РИИБдин тергөө кызматына өткөрүлүп берилди. Азыркы учурда тергөө амалдары жүрүп жатат.
ЖКККББнын басма сөз кызматы
Токтогулда кишини өлтүрө сүзүп, унаасын эвакуаторго жүктөп бараткан айдоочу Төө-Ашуудан кармалды
