Воркутадагы мектеп окуучусу Никанор Толстых Владивостоктогу «Океан» балдар борборунда өткөн ачык сабак учурунда Орусиянын президенти Владимир Путиндин сөзүн оңдоду. Иш-чараны «Россия 24» телеканалы түз эфирде көрсөтүп жатты.
Путин 18-кылымдын башында Петр I Швеция менен жүргүзгөн согушту Жети жылдык деп атады. Өспүрүм колун көтөрүп, сөз Түндүк согушу жөнүндө болуп жатканын белгиледи. «Жалпысынан алганда, бул жети жылдык согуш эмес, «Түндүк согушу» деп аталат. Түндүк согуш 1700-жылдан 1721-жылга чейин созулган», — деди окуучу. «Ооба, албетте, бул Түндүк согушу. Оңдоо үчүн рахмат», — деп жооп берди Владимир Путин.
Бул эпизод боюнча кийинчерээк комментарий берген мугалим окуучусун мактады. «Менимче, ал туура кылды. Анын президентти оңдогону бала туура эмес нерсени жашыра албастыгын жана негизи калп айтпаганын көрсөтүп турат, мында коркпостук бар. Балким, мен унчукпай коймокмун. Балким, балдар согуш жөнүндө билишпесе же уялышса унчукпай коюшмак. Мага бул жерде коркунучтуу эч нерсе жоктой сезилет», — деди ал.
