АКШда ок атуу окуяларынын жаңы жумалык максимуму катталды. 17-июлдан 23-июлга чейин NBC News агенттигинин эсептөөлөрү боюнча 915 окуя катталып, 430 адам каза болгон.
Статистика акыркы жылдары мындай окуялардын кескин өсүшүн чагылдырат. 2020-жылы 43 миң америкалык ок атуудан көз жумган. Быйыл январь айынан бери каза болгондордун саны 23 миңге жетти, анын 800дөн ашыгы 18 жашка чейинкилер.
Америка Кошмо Штаттарында курал-жарак алып жүрүү конституциялык кепилденген, ал эми курал-жаракты чектөө аракеттери чектелүү жана жалпысынан майнапсыз. АКШнын президенти Жо Байден буга чейин курал сатып алуунун жана алып жүрүүнүн укуктук статусундагы эң олуттуу кемчиликтерди чектөө боюнча бир катар прогрессивдүү чараларды сунуш кылган, бирок азырынча бул багытта жылыш болгон жок.