АКШда коронавируска каршы эмдөөдөн өтүүдөн баш тарткан 150дөн ашык медицина кызматкери жумуштан айдалды. Бул тууралуу чет элдик басылмалар жазып чыкты.
Хьюстон шаарындагы ооруканалардын биринин кызматкери Гейл Смит COVID-19 вакцинасын алуудан баш тарткандыгы үчүн жумуштан алынганын айтты. Анын айтымында, 200 кызматкердин 153ү эмдөөдөн өтпөгөндүгү үчүн жумуштан бошотулган. Маалымат боюнча, оорукананын жетекчилиги кызматкерлерди 7-июнга чейин COVID-19 вакцинасын алууга милдеттендирип, баш тарткандардын эмгек келишимдерин жокко чыгарган. Оорукананын жетекчилиги кызматтан убактылуу четтетилген кызматкерлердин арасынан илдетке каршы вакцинаны алгандар кайтып келүүсүнө мүмкүн экендигин баса белгилеген.