АКШда үй-бүлө 7 жылдан бери смартфонсуз жашап келет. Телефонго болгон көз карандылыкты жеңүү жана психикалык ден соолукту чыңдоо үчүн Кристен Бринг жана анын күйөөсү 2017-жылы смартфондон баш тартышкан.
Ошондон бери алар смартфондордун ордуна баскычтуу телефондорду колдонушат. Ошол эле маалда түгөйлөр смартфондордон баш тартып эле тим болбостон, досторунун жана башкаларга да смартфонсуз жашоого мүмкүн экенин көрсөтүүгө аракет кылышат.
Үй-бүлө бул жашоонун айынан кыйынчылыктарга дуушар болот. Мисалы, алар гаджетсиз жашоо сонун экенин айтышканда, башка адамдар башкача көз караш менен карашат жана аларды сындашат. Бирок Бринг кызы үчүн бул ыңгайлуу шарт экенин айтат.
«Ал биздин көңүл ачуунун жана эс алуунун чыгармачылык жолдорун издеп жатканыбызды көрөт. Келечекте кызыбызга да баскычтуу телефон сатып алууну пландап жатабыз, анткени бул анын критикалык ой жүгүртүүсүн өнүктүрүүгө жардам берет»,- деди апасы.
Кызыгы, жубайлардын үйүндө ноутбук жана бир iPad бар, алардын айтымында, алар музыка угат. Бирок гаджеттер иш кеңседе сакталып, кызынын көзүнчө колдонулбайт.
