Актауда кайдыгер эмес жарандар кан тапшырып жатышат. Бул тууралуу Казакстандын TengriNews басылмасы жазды.
Акыркы маалыматтарга караганда аман калгандардын саны 28ге жетти. Алар жергиликтүү ооруканага жеткирилген. Ооруканадагылардын ичинде бешөөнүн абалы оор экени айтылып жатат.
Бүгүн, 25-декабарда Казакстандын Актау шаарында Бакудан Грозныйга учуп бараткан учак кулаган. Azerbaijan Airlines авиа компаниясынын Embraer 190 учагында 67 адам болгону айтылып жатат.