Камактагы оппозициячыл саясатчы Алексей Навальныйдын жубайы Орусиядан чыгып кетти. Бул тууралуу жергиликтүү маалымат каражаттары жазды. Маалыматта Юлия Навальная Франкфурт шаарына учуп кеткени айтылат.
Бирок саясатчынын Юлия айым өзү бул тууралуу эч нерсе билдирген жок. Анын адвокаты Светлана Давыдова «ТАСС» агенттигине бул тууралуу эч кандай маалыматы жок экенин билдирген.
Юлия Навальная 23-январда жана 31-январда Орусияда өткөн Навальныйды колдоо акцияларына катышкан. Алгачкысында аны полиция кармап кетип, 20 миң рубль айып пул төлөөгө милдеттендирип, кайра коё берген эле.
