Астанадагы көп кабаттуу үйлөрдүн биринде эркек киши өзүнүн чогуу жашаган аялын өлтүрүп, андан соң көп кабаттуу үйдүн терезесинен секирип кеткен. Кырсыктын чоо-жайын Tengrinews.kz. жазды.
Маалыматка караганда, кылмыш 19-июнда катталган. Алдын ала маалыматтар боюнча, чогуу жашагандардын ортосунда жаңжал чыгып, анын жүрүшүндө эркек киши аялды бычактап, андан соң ал көп кабаттуу үйдүн 25-кабатынан секирип кеткен. Ал имараттын жанында токтоп турган унаанын үстүнө кулап түшкөн.
«Жаран ооруканага жеткирилген. Учурда окуянын бардык жагдайларын аныктоо боюнча комплекстүү иликтөө иштери жүрүп жатат. Адам өлтүрүү фактысы боюнча кылмыш иши козголду», — деп билдирди Астана шаардык ички иштер башкармалыгы.
Социалдык тармактарда маалымдалгандай, маркумдун артында 7 жана 10 жаштагы эки баласы калган.
