Кечээ, 30-апрелде Казакстандын Астана шаарындагы акча алмаштыруучу жайлардын бирин бет кап кийген тоноочу карактоого аракет кылган. Учурда анын өтө сылыктыгына интернет колдонуучулар таң калып жатышат.
«Сураныч, колдоруңузду көтөрүңүз. Колумда жардыргыч бар, азыр ыргытам. Таарынбаңыздар. Сураныч, колдоруңузду көтөрүңүз. Акча бериңиз. Чын айтам, мен мындай кадамга бармак эмесмин, мен бирок төлөшүм керек болуп жатат», — деген ал.
Тоноочу акча алмаштыруучу жайды карактай алган эмес. Кассир жардам чакырган кнопканы басууга үлгүргөн. Тоноочу кармалды, анын тапанчасы оюнчук экени аныкталды.