Австралиянын жээгине акыркы 50 жылда биринчи жолу 157 кичинекей кит өзүн жээкке сүрүп чыкты. Алардын бир бөлүгү тирүү бойдон калууда, бирок аларды сактап калуу жана океанга кайтаруу мүмкүн эмес. Бул тууралуу чет элдик басылмалар жазышты.
Австралиянын улуттук парк кызматынын болжолунда, алар 24 сааттан 48 саатка чейин кургактыкта болушкан. 136 кит тирүү табылган, бирок бир нече сааттын ичинде алар 90го чейин кыскарган.
Чөлкөмдө жагымсыз аба ырайы дагы бир нече күнгө созулат деп болжолдонууда. Куткаруу иштеринин координатору Шелли Грэм: «Алар кырылып жатышат. Бүгүн эртең менен биз деңизге чыгып, эки китти сүйрөөгө аракет кылдык, бирок ийгиликсиз болду. Анткени бороон жаныбарларды жээктен өткөрбөй койду», — деди.
«Бул татаал кырдаал, бирок албетте, бул ишти мүмкүн болушунча тез жана гумандуу түрдө аткарабыз», — деди деңиз биологу Крис Карлайон.
Мындан тышкары, майда киттерди куткаруу үчүн атайын жабдууларды алып келүү кыйын болгон. 1974-жылдан бери Тасманияда бул биринчи жолу майда кит жээкке сүрүлүп чыкты.
