Азербайжан Тоолуу Карабахта “антитеррордук чараларды” баштаганын аталган өлкөнүн Коргоо министрлигинен билдиришти.
Маалыматтарга караганда, соккулар аскерий объектилерге гана жасалат, жарандарга жана инфраструктуралык объекттерге чабуул жасалбайт.
«19-сентябрда трассада Армениянын куралдуу күчтөрүнүн топтору тарабынан Карабах аймагында террордук максатта орнотулган минаны жардыруунун кесепетине биздин аскер кызматкерлер каза болуп, жарадар болушкан. Саат 02:40та армян куралдуу күчтөрү азербайжан армиясы тарабына бир нече жолу ок атуучу куралдар менен аткылашты», — деп айтылат Азербайжан департаментинин маалыматында.
Армения бийлиги «Ок атышты» деген айыптоолор чындыкка дал келбейт» деп жооп берди. Жергиликтүү маалымат каражаттары Баку өлкөнүн аба мейкиндигин Армения үчүн жаап жатканын жазышууда.