Белгилүү советтик театр жана кино актёру Валентин Гафт 85 жашында инсульттан улам каза тапты. Бул тууралуу ТАСС агенттиги актёрдун жубайы, актриса Ольга Остроумовага шилтеме берүү менен жазып чыкты.
Валентин Гафт 1935-жылы 2-сентябрда Москва шаарында төрөлгөн. “Современник”, Москва драмалык театры өңдүү маданий очоктордо эмгектенип келген. Аны кыргыз көрүүчүсү атактуу “Жаздын 17 көз ирмеми” өңдүү кинокартиналардан улам жакшы тааныйт.