Социалдык тармактарда беткапчан киши деген ат менен белгилүү адам бул жолу казакстандык аялга жардам берди.
Аялдын айтымында, ал жалгыз 2 уулун тарбиялайт, кичүүсү мээсинин шал оорусу менен жабыркайт. Ал жан багуу үчүн күндүз пол жууп, кечкисин ижарага алган унаа менен такси айдайт. «Таңкы саат 5-6га чейин киши ташыйм» деген эне унаага 7 миң теңге берерин айтат.
Беткапчан киши аялга карыздарын жабуу, баласын дарылатуу үчүн акча берип, жаңы унаа белек кылып ыйлатты.