Индиянын Меттур шаарынын 65 жаштагы Падмаражан аттуу тургуну 238 жолу ар кандай деңгээлдеги шайлоого катышып, бирок жеңишке жеткен эмес. Бул тууралуу NDTV телекомпаниясы билдирди.
Дөңгөлөк оңдоочу жайга ээ болгон индиялык 1988-жылы шайлоого катыша баштаган. Бул жылдар аралыгында ал иш-чараларга миңдеген доллар короткон. Бирок буга чейин “шайлоо падышасы” наамын алган адам ушуну менен токтоп калбайт. Маселен, быйыл апрелде ал алты күнгө созула турган жалпы шайлоодо Дхармапури округунан депутаттык орун үчүн ат салышат.
Падмаражан 2011-жылы эң жакшы натыйжасын алган, анда шаардык депутаттар кеңешине шайлоодо дээрлик 6,3 миң добуш алган. Анда жеңиш үчүн 75 миңден ашык добуш керек болчу. Кишинин айтымында, ал өлгөнгө чейин шайлоого катышып, эң бактысыз талапкер катары Индиянын рекорддор китебине киргиси келет.