Улуу Британияда карылар үйүндө жашаган карыя 100 жылдык юбилейин белгилеген. Баарынан кызыгы, ал кезинде спирттик ичимдикти укмуш ичип, ден соолугуна кам көргөн эмес.
Уильям Генри Хэмпсон аттуу жаран 16-июнда 100 жашка чыкты. Ал кантип кутман куракка келгенин өзү да түшүнбөстүгүн айтат. «Мен кыйратып деле ден соолугума кам көргөн эмесмин. Жадакалса бир кезде катуу ичип жүргөм. Албетте, кийинчерээк ал адатымды калтырдым. Мен болгону бүгүнкү күн менен жашап, ар бир көз ирмемден рахат алчумун. Таң калычтуу, 100гө чыгып калдым», — деген узак жашаган карыя.
