Бириккен Улуттар Уюмунун Качкындар боюнча Жогорку Комиссариаты Ооганстандын коңшуларын согуштан баш паанек издеген оогандарга чек араларын жаппоого чакырды. Бул тууралуу Женевада өткөн брифингде уюмдун расмий өкүлү Шабия Манту билдирди. Бул тууралуу ТАСС жазып чыкты.
Анын айтымында, жыл башынан бери 400 миңге жакын адам үйлөрүн таштап кетүүгө аргасыз болгон. Ал баса белгилегендей, Ооганстандын көптөгөн аймактарындагы туруксуздукту эске алганда, өз өлкөсүнөн тышкаркы оогандыктар эл аралык коргоого муктаж болушу мүмкүн экени барган сайын ачык-айкын боло баштады.
Талибан террордук кыймылынын алдында согушкерлер өлкөнүн экинчи чоң шаары Кандагарды басып алышканын жарыялашты. Ал Кабулдан 600 чакырымдай алыстыкта жайгашкан.
Ооганстандагы кырдаал 2021-жылдын майында АКШ армиясынын жана анын союздаштарынын бөлүктөрү өлкөдөн чыгарыла баштагандан кийин кескин курчуп кетти. Эки жарым айдын ичинде радикалдуу талиптердин согушкерлери бир нече багытта чабуулдун ылдамдыгын жогорулатышты.
Ар кандай ачык булактарга жана талиптердин ырастоолоруна ылайык, алар өлкөнүн 60-85 пайызын, анын ичинде беш мамлекет — Иран, Кытай, Пакистан, Тажикстан жана Түркмөнстан менен чектешкен аймактарды көзөмөлдөйт.