Чилилик Адриан Симанкас өркөч киттин «түшкү тамагы» болуп кала жаздады. Окуя 8-февралда Пунта Аренас шаарынын жээгиндеги Магеллан кысыгында болгон. Бул тууралуу чет элдик басылмалар жазышты.
Маалыматка ылайык, 24 жаштагы жигит Адриан Симанкас Эль-Агила булуңунда үйлөмө кайык менен сүзүп жүргөн. Бир убакта ал аркасынан катуу соккуну сезет. Андан кийин жигит былжыр челдин ичинде болгонун байкайт. Айланасында кызыктай үндөр угулат. Бир учурда ал күч менен сыртка чыгат.
«Ичинде жүргөндө мен Буратинону эстедим, аны да кит жутуп алат эмеспи. Албетте корктум», – деген Адриан.
Бул окуяны анын атасы видеого тартып алган. Өркөч киттер өсүмдүктөр жана балыктар менен азыктанат. Алар адамдарга өтө сейрек кол салышат. Алардын кекиртеги кичинекей, ошондуктан адамдын денеси ашказанына чейин жетиши кыйын.
Батыш Казакстан облусунун Сырым районундагы Жымпиты айылында үйдөн чыккан өрттүн кесепетинен беш бала каза болду. Кырсык болгон учурда ата-энеси үйдө...
Түштүк Кореяда мөөнөтүнөн мурда президенттик шайлоодо оппозициядагы Демократиялык партиянын талапкери Ли Чжэ Мён жеңди. Санактарга ылайык, ага шайлоочулардын 49 пайызы...
