2021-жылдын май айында Crypto.com криптовалюталык платформасы кокустан 100 доллардын ордуна австралиялык аялга 10,5 миллион доллар которгон. Бул тууралуу Ticker News кабарлады.
Жаңылыштык жылдын аягында жүргүзүлгөн аудиттин жыйынтыгында жети айдан ашык убакыттан кийин аныкталган.
Платформа акчаны кайтарып алуу үчүн сотко кайрылган. Отурумдун жүрүшүндө Crypto.com өкүлү которуудагы катаны кызматкер төлөм талаасында 100 доллардын ордуна эсеп номерин киргизгени менен түшүндүрдү. Бирок компания каражатты кайтарып алууга аракет кылганга чейин аял Мельбурндун чет жакасынан спорт залы жана кинотеатры бар кымбат хан сарай сатып алганы аныкталган. Сот мүлктү сатып, акчаны кайтаруу чечимин чыгарды.