Ээсинин мүрзөсүндө дээрлик 7 жыл жашаган махачкалалык Хатико аттуу мышык өлгөнүн Usatiy-Striped жаныбарларга жардам берген уюм жазды.
«Хатико өлдү. Эмне үчүн көпчүлүк адамдар анын окуясына ишенишкен жок? Себеби адамдар мышыктай берилгендикке жөндөмдүү эместир. Ал Дагестанга жеткирилип, ээсинин мүрзөсүнүн жанына коюлат», — деп айтылат билдирүүдө.
Февраль айынын башында махачкалалык ыктыярчы журналисттерге жергиликтүүлөр Хатико деп атап койгон мышык тууралуу айтып берген. Анын айтымында, мышык аба ырайына карабай, 7 жылга жакын убакыт мүрзөдө жашаган. Ал кечинде мышыкты үйүнө алып барган, эртең менен кайра мүрзөнү көздөй кача берген. Көп өтпөй катуу ооруп калган. Ал Махачкаладагы ветеринардык клиникалардын биринде дарыланып, андан соң Санкт-Петербургга дарыланууга жөнөтүлгөн.
