Көптөгөн өлкөлөрдө коронавирустун «көрүнбөгөн» жаңы штаммы өтө тездик менен жайылууда. Бул тууралуу коронавируска каршы күрөшүү боюнча республикалык штабдан маалымдашты.
Улуу Британиядагы соңку отчет көрсөткөндөй, «стелс-Омикрон» деп аталган жаңы штамм «омикронго» караганда апта ичинде ооруну жуктургандардын санынын көбөйүшүн тездеткен. «Стелс-Омикрон» деген аталыш аны бир катар ПЦР-тесттер аныктай албай тургандыгынан жана «Дельтадан» айырмалай албай жаткандыгынан улам коюлган. Медиктер жаңы штаммдын өтө жугуштуулугун, керек болсо, оорукчан адам менен бир бөлмөдө отуруп жуктуруп алуу мүмкүн экендигин айтышат.