Учурда социалдык тармактарда башына жоолук салынган келиндин француз тилинде «Je veux» ырын ырдап жатканда тартылган видео тарап, алкоого татып жатат.
Видеодогу жарандын аты Асылтас Аяпова экени белгилүү болду. Ал Актау шаарынан жана азыр да ошол жакта жашайт. Ал жаштайынан бери ырдайт.
«Кичине кезимден эле ырдаганды, бийлегенди, актерлорду туураганды жакшы көрчүмүн. Актаудагы колледжде эки жыл академиялык вокал боюнча билим алгам. Ар дайым Алматыда билим алууну кыялданчумун. Эки жылдан кийин Элебеков атындагы республикалык эстрадага тапшырдым. Ошол жерден эстрадалык вокал бөлүмүн бүтүрдүм. Видео Форт-Шевченко шаарында тартылган. Бир ырды ырдап бер деп суранышып, аткарып калгам. Ал пландалган эмес, капыстан ырдап калгам», — деп белгиледи ал.
Кыз видеонун мынчалык популярдуу болуп кетерин ойлобогонун, ал жети миллиондон ашык жолу көрүлгөнүн кошумчалады. «Мен бул чыгарманы беш жылдан бери аткарып келем. Албетте, француз тилин билбегеним менен ырдын котормосун билем», — дейт ал.
Асылтас өмүрүн бала кездеги кыялы музыка менен байланыштырган тагдырга ыраазы экенин белгилейт.
@izok_dopp #movie #izok_dop #music ♬ оригинальный звук — Избасар Магжанов
