Республикачылардын талапкери Дональд Трамп президенттик шайлоодо добуш бергенин CNN билдирди.
Трамп Флорида штатынын Палм-Бич шаарында добуш берди. Ал шайлоо тилкесине жубайы Мелания Трамп менен барды. Добуш берүүдөн кийин ал журналисттердин бир нече суроолоруна жооп берди. Трамп шайлоодо жеңерине абдан ишенерин айтты, бирок жыйынтыктарды жарыялоо көпкө созулушу мүмкүн экенин билдирди.
Акыркы маалыматтар боюнча, Трамп АКШдагы президенттик шайлоодо алдыда келе жатат. Ал үч штатта (Висконсин, Түндүк Каролина жана Жоржия) алдыга озуп чыккан.