АКШнын мурдагы президенти Дональд Трампка карата кылмыш иши козголду. Бул тууралуу чет элдик басылмалар жазып чыгышты.
Маалыматка караганда, 10-февраль күнү Жоржия штатынын прокурору Трамптын аймактагы президенттик шайлоонун жыйынтыгын жокко чыгаруу аракети боюнча кылмыш ишин козгогон.
“The Washington Post” басылмасы 3-январда Трамп Жоржиа штатынын мамлекеттик катчысы Брэд Раффенспергерге басым жасап жаткан аудиосун жарыялаган. Анда Трамп жеңиш үчүн жетиштүү добуштарды «тапкысы келгенин» айткан.
“The New York Times” басылмасы Трамп бир гана Раффенспергерге гана эмес, губернатор Брайан Кемпке чалып, штаттын мыйзам чыгаруучуларын жыйнап, президенттик шайлоонун жыйынтыгын жокко чыгарууну талап кылганы тууралуу маалыматтарды жарыялады.
Эскерте кетсек, 2020-жылы 3-ноябрда АКШда президенттик шайлоо өтүп, анда азыркы президент Жо Байден 12 миңден көбүрөөк добуш алып, Жоржия штатында Трампты уткан.
Ушул тапта 20-январда президенттиктен кеткен Дональд Трампка импичмент жарыялоо маселеси Сенатта каралып жатат.
