Бириккен Араб Эмираттарында туристтер бар аба шар кулады. Окуянын кесепетинен эки чет элдик турист каза болуп, дагы бир нечеси жаракат алганын Shot Telegram-каналы билдирди.
Маалыматка караганда, каргашалуу окуя экскурсия учурунда болгон. 12 туристтен турган топ таңга маал Дубайдын жанындагы чөлдүн үстүнө аба шар менен учуп бара жаткан.
«Учуу башталгандан болжол менен 40 мүнөт өткөндөн кийин аба шары капталга кыйшайып, тез эле кулап калды. Күбөлөрдүн айтымында, андагы адамдардын айрымдары коопсуздук куру үзүлүп кетип, корзинадан кулап кетишкен. Калган туристтер жерге катуу тийип, шар үстүн жаап калган», — деп айтылат билдирүүдө.
Кырсыктын кесепетинен чет элдик жарандар — бир эркек жана бир аял каза болгон. Жабырлануучулар оор же орточо абалда тез жардам жана тик учактар менен ооруканага жаткырылган. Интернетте окуянын видеосу тарады.
