7-сентябрда социалдык тармактарда «Уулу атасын көчөдө сабады» деген видео тараган. Окуяга күбө болгондор киши оорулуу атасын сабаганын жазышкан. Түркстан облустук ички иштер башкармалыгы карыяны сабаган деп шектелген жаран кармалып, убактылуу кармоочу жайга киргизилгенин билдирген.
Казакстандын «Орда» басылмасы карыянын 5 күн мурун каза болгонун жазып чыкты.
«Кошуналары бул үйдө эмне болуп жатканын билишкен. Алар видеого да тартып алышкан. Бирок 70 жаштагы карыяга эч ким жардам берген эмес. Үй-бүлө бул айылга 2 ай мурун көчүп келишкен. Буга чейин мечит жакта жайгашкан аз камсыз болгон үй-бүлөлөр жашаган үйдө баш калкалашкан. Кошуналарынын айтымында, ал 2 жыл мечитте иштеген. Ошондой эле тамада болуп жан бакчу. Карыя инсульт алып, араң кыймылдачу. Майыптуулугу бар адамдардын тизмесине кирген эмес, бирок омурткасында көйгөй болгон. Акимчилик буга чейин ага эскертүү берип келген. Бул жолкусу жардам берген жок. Себеби, карыя 5 күн мурда каза болду»,- деп айтылат маалыматта.
