Салтанат Нукенованын бир тууганы Айтбек Амангелди Instagram баракчасына Нукенова каза болгон күнү Астанадагы ресторандардын биринин коопсуздук камерасынан тартылган кадрларды жарыялады.
Ал соттук-медициналык эксперттин корутундусун интернетке жайгаштырышкан. Салтанат Нукенованын өлүмүнө анын күйөөсү, Казакстандын мурдагы улуттук экономика министри Куандык Бишимбаев шектелүүдө.
«Бишимбаевдердин жактоочулары бул видеотасманын скриншотторун жана тергөөнүн жыйынтыгын жарыялоого мажбурлашты. Скриншоттордо анын кантип тепкилеп, муштум менен чапканы ачык көрүнүп турат, ал эми адвокаттар андай болгон эмес деп айтышкан», — деп жазды ал.