Словакиянын борбор шаарында күрөш боюнча Европа чемпиондугу өтүп жатат. Мелдештер 7-апрелде башталган.

Кечээ, 9-мартта 74 килограмм салмак ченинде финалдык беттеште Чермен Валиев (Албания) жана Заурбек Сидаков (Орусия) финалда кез келишкен. Беттештин жыйынтыгында Чермен Валиев атаандашын 4:2 эсебинде жеңип, чемпион аталган.

Сыйлоо аземине келгенде Орусиянын Күрөш федерациясынын президенти Михаил Мамиашвили медаль жеңген спортчуга орой мамиле жасаган. Анын бул кылыгы спорт дүйнөсүндө ар кандай талкууларды жаратты.

Көпчүлүк Мамиашвилинин нааразычылыгы осетиялык Валиев буга чейин орусиянын курамасында болгонун, кийин Албанияга легионер болуп кеткени болушу мүмкүн деп жазышкан.

Ал эми дагы бир бөлүгү Мамиашвилинин мындай кылыгы эч бир эрежелерге сыйбай тургандыгын жана ал үчүн кандайдыр бир жаза бериш керектигин билдирген.

Федерация президенти окуядан кийин интервью берип ал жөн гана балбанды сыйлаганын Валиев аны ушул деңгээлге жеткирген курамадан чыгып башка желек алдында ыйламсырап турганы туура эмес экендигин жана ага окшогон балбандарга кайсы желек алдында туруу манилүү эмес экендигин айткан.