Филиппиндеги селдин кесепетинен кеминде 27 адам каза болду. Бул тууралуу дүйнөлүк ЖМКлар жазышты.
Рождество майрамынан бери өлкөнүн түштүк жана борбордук аралдарында нөшөрлөгөн жаан жана суу ташкындары жүз миңдеген адамдарды үйлөрүн таштап кетүүгө аргасыз кылды. 11 адам жаракат алып, үчөө дайынсыз болууда.
Жарандык коргонуу агенттигинин маалыматына караганда, 83 миңден ашуун адам эвакуациялоо борборлорунда баш калкалоодо, 1200дөн ашуун үй суу ташкынынан жана катуу жааган жамгырдан жабыркаган.