Франциянын Саламаттыкты сактоо министрлиги берген маалымат боюнча, аталган өлкөдө акыркы суткада COVID-19 илдетинен 333 адам каза тапкан.
Коронавирус пандемиясы башталгандан бери илдеттин курмандыктары жалпысынан 90 миң 762 адамды түздү.
Франция боюнча инфекция жугузуп алгандардын жалпы саны 4 млн 78 миң 133 адамга жетти. Мунун ичинен 3 млн 713 миң 600 адам ооруну жеңген.
Өлкөнүн ооруканаларында учурда 25 миң 469 бейтап дарыланууда. Алардын ичинде 4 миң 219у жандандыруу бөлүмүндө.
Дүйнөлүк статистикада Франция COVID-19 инфекциясын жугузгандар боюнча 6-орунда, ал эми каза табуулар боюнча 8-орунда турат.
Франция бийлиги коронавирус инфекциясынын кескин көбөйгөнүнө байланыштуу жаңы чечимдер чыгарын билдирди.
