Гавайи штатында жайгашкан Мауи аралындагы токой өрттөн каза болгондордун саны 93кө жетти. Бул тууралуу дүйнөлүк басылмалар жазышты.
Каза болгондордун сөөгүн издөө иштери жаңы гана башталгандыктан, курман болгондордун саны дагы бир топ көбөйүшү мүмкүн. Куткаруучулар иттер менен күйгөн жерлердин болгону 3 пайызында гана издөө иштерин аякташкан.
Өрт кеминде 2200 имаратка зыян келтирген, алардын көбү үйлөр. Келтирилген зыян 6 миллиард долларга бааланууда. Учурда 4500дөй адам убактылуу жашоочу жайга муктаж.
