Орусиялык ырчы Григорий Лепс Санкт-Петербургдун тургуну менен уруша кеткен. Бул тууралуу «Пятый канал» билдирди.
Маалыматка караганда, пикир келишпестик сүрөттүн айынан чыккан. Ырчы 2-декабрда өзүнүн командасы менен барда эс алып жаткан. Анын жанына күйөрманы барып, аны менен сүрөткө түшүп алууну суранган. Ырчы буга каршы болуп, ортодо уруш чыккан. Ошондон кийин кароолчулар сүрөткө түшүүнү каалаган жаранды чыгарып салышкан. Ал ырчыны жана анын командасын сөгүп салган. Мушташ башталып, анын мурду сынган. Ал эми ырчынын алган жаракаты тууралуу маалымат жок. Полиция окуя боюнча териштирүү иштерин жүргүзө баштаган.
