Грузиянын бийлиги өлкөгө барган орусиялыктардын көп агымынан улам 26-сентябрдан тарта орусиялык жарандар үчүн чек араларды жаап салышы мүмкүн. Бул тууралуу Грузиянын оппозициялык “Бирдиктүү улуттук кыймыл” партиясынын депутаты украиналык “Эркиндик” телеканалынын эфиринде билдирди.
Грузиянын өкмөтүнөн расмий билдирүү боло элек. «Грузин өкмөтү орустардын Грузияга бул массалык агымын токтотуу үчүн азырынча эч нерсе кыла элек. Бизге түшүндүргөндөй, дүйшөмбү күнү чек араларды жаап салышат. Бул этапта алар жасай алган жалгыз нерсе ушул», — деди ал. Анын айтымында, кирүүгө тыюу салуу биринчи кезекте 18 жаштан 55 жашка чейинки эркектерге тиешелүү болушу мүмкүн.