Индияда эң коркунучтуу вирустардын бири Нипах аныкталды. Улуттук вирусология институтунун окумуштуулары билдиргендей, ал өтө жугуштуу, аны айыктыруучу дары жана вакцина жок, өлүмдүн көрсөткүчү 40-75 пайызга чейин жетет. Бул тууралуу чет элдик басылмалар жазып чыкты.
Адистердин айтымында, вирус Махараштра штатындагы жарганаттардан табылган. Көбүнчө ал түлкү менен жарганатта кездешет жана ооруган жаныбардын шилекейи менен мөмө-жемиштер аркылуу адамдарга жугат. Дүйнөлүк саламаттыкты сактоо уюму Нипахты дүйнөдөгү эң кооптуу деп келет. Ал алгач 2001 жана 2007-жылдары Индиянын чыгышында жайгашкан Батыш Бенгалияда катталган, кийин 2018 жана 2019-жылдары Индиянын түштүк-батышындагы Керала шаарында катталган.