Индиянын түндүк-чыгышындагы Манипур штатында болгон катуу жер көчкү 48 адамдын өмүрүн алды. Бул тууралуу ЖМКлар мамлекеттик органдарга шилтеме берүү менен жазып чыгышты.
Куткаруучулар издөө иштерин улантып жаткандыктан каза болгондордун саны дагы өсүшү мүмкүн. Операцияга 400дөн ашык куткаруу жана өрт өчүрүү кызматынын кызматкерлери, полиция, аскер кызматкерлери жана жергиликтүү ыктыярчылар катышууда. Куткаруу иштерине иттер жана атайын радар туташтырылып, урандылардын астынан тирүү адамдарды табуу иштери жүргүзүлдү.
Ноней округундагы Тупул-ярд темир жол куруучу лагерин жер көчкү басып калды. Курман болгондор негизинен темир жол линиясынын курулушун кайтарып турган Индиянын аймактык армиясынын жоокерлери болгон. Мамлекеттик администрация жапыз аймактардын тургундарын эвакуацияга даярданууга үндөдү — табигый кырсык дагы кайталанышы мүмкүн.