Италияда туристти деңиздин өзү менен эмес, сүрөтү менен алдашкан

Аргентиналык блогер Клариса Мурхия Airbnb онлайн аянтчасынан Италияда эс алуу үчүн жай таап, деңиздин көрүнүшү үчүн кошумча акы төлөгөн. Бирок номерге жайгашкан соң, ал суу жээгинин ордуна коңшу үйдүн дубалына илинген деңиздин плакатын көргөн. Блогер алданып калганы тууралуу ролик тартып, аны Тиктокко жүктөгөн. Видеонун кароосу 3 миллиондон ашты.