Apple компаниясы iPhone 16e — iPhone 16 сериясына кирген бүгүнкү күндөгү акыркы смартфон деп тааныштырды. Алар тараткан маалыматка ылайык жаңы модель «мыкты мүмкүнчүлүктөргө ээ, бирок арзаныраак».
Ак жана кара түстөгү телефондун үч варианттагы эс тутуму бар. 128 ГБ, 256 ГБ жана 512 ГБ. Дизайны болсо iPhone 16’ны эске салат. Смартфондо 48 мегапикселдүү автофокус камера жана эки жолу чоңойтуучу телефото линзасы бар. Кутуда тез кубаттоочу USB-C кабели болгону менен адаптери жок. Мындан тышкары, Apple Intelligence бар. Анда ChatGPT Writing Tools жана Siri менен интеграцияланып, колдонуучулар ChatGPT’ни акысыз, катталбай колдоно алышат.
6,1 дюймдук дисплейи бар гаджет Apple’дин айтымында, мындай өлчөмдөгү эң узак кубаттуулукта иштеген телефон. Анын күчү Apple 11ге караганда 6 саатка ашык. Apple SE’лерге салыштырмалуу жарым күнгө көпкө кармалат.
Apple Store’лордо 128 ГБ эс тутумдагылар 599 доллардан, 256 ГБлар 699 доллардан, 512 ГБ менен 899 доллардан башталат. Алдын ала буйрутма берүү үчүн iPhone 16e 21-февралда жеткиликтүү болот. Ал эми сатыкта 28-февралда болот.
