Америкалык поп-жылдыз Женнифер Лопестин Астанада 1-августка белгиленген концерти өлкө бюджетине 400 миллион теңге кошумчалайт. Бул тууралуу Astana Concert компаниясынын продюсери Малик Хасенов билдирди.
Хасеновдун айтымында, эстрада жылдызынын концертине 15 миңден ашык чет элдик турист келет.
«Шаардын экономикасына жалпы салым HoReCa системасында 6,5 миллиардды жана концерттен түшкөн салык 400 миллиондон ашык каражатты түзөт”, — деди Хасенов өкмөттүн жыйынында.
HoReCa – экономисттер туристтер жана шаар коноктору жайгашуу, тамактануу, кафе/ресторандардагы тейлөө жана башка тиешелүү кызматтарга – келүүгө, жайгашууга жана эс алууга байланыштуу бардык нерсеге канча акча короторун эсептей турган система.
