Социалдык тармактарда белгилүү казак ырчысы Кайрат Нуртас видео жүктөгөн. Анда ал отурган унаа менен тыюу салынганына карабай Талдыкорган шаарынын борбордук аянтынан өтүп жатканы тартылган .
Соцтармакка тараган видеодон кийин полиция Мерседес-Бенц унаасынын айдоочусун таап, жазалаган.
«Издөө иш-чараларынын жүрүшүндө Алматы шаарында 45 жаштагы унаанын айдоочусу кармалып, Административдик жоопкерчилик жөнүндө кодекстин 601-беренеси (жол белгилеринде белгиленген талаптарды аткарбоо) менен административдик жоопкерчиликке тартылды»,- деп билдирди Жетисуу облустук ички иштер башкармалыгынын басма сөз кызматы.