Камчаткада дайынсыз болуп жаткан учактагы адамдардын арасында тирүү калганы жок. Бул маалыматты «Интерфакс» басылмасына ошол аймактагы санавиация кызматы билдирген. Болжол менен 28 адам — бардык жүргүнчүлөр жана экипаж көз жумган.
Петропавловск-Камчатка — Палана багыты менен учуп чыккан учак конууга 10 мүнөт калганда дайынсыз болуп жатканын, «Ан-26» учагында 22 адам жана экипаждын 6 мүчөсү болгонун жергиликтүү жалпыга маалымдоо каражаттары жарыялашкан. Кулап түшкөнү болжолдонуп жаткан учактын калдыктарын Камчаткадагы Палана кыштагы тараптан табышты.
«Дайынсыз жоголгон учак 1982-жылдан бери иштеп келе жаткан, анын учууга жарамдуулук сертификаты ушул жылдын 30-августуна чейин болчу», — деп жазды ТАСС өздүк булагына таянуу менен.