18-октябрда жоголгон 23 жаштагы Яна Легкодимованын жансыз денесин издөө иштери токтотулду. Бул тууралуу Атырау облусунун Өзгөчө кырдаалдар башкармалыгы билдирди.
22-октябрда кызды издөө иштери дарыянын жана жээгинде жүрө баштаган. Издөө иштери 1 айдан ашык убакытка созулган. Издөө иштерине 20 кызматкер, 5 техника, 7 суу кемеси жана бир учкучсуз учуучу аппарат тартылган. Издөө иштерине полиция, Улуттук гвардиянын аскерлери жана ыктыярчылар да катышты. Бирок 44 күндүк издөөдөн кийин бардык аракеттер текке кеткен. Суук түшкөнгө байланыштуу издөө иштерин токтотуу чечими кабыл алынган.
23 жаштагы Яна Легкодимова алдын ала маалыматтар боюнча, өлтүрүлүп, Жайык дарыясына ыргытылган. Кызды өлтүргөн деген шек менен 24 жана 25 жаштагы эки адам кармалып, күнөөсүн мойнуна алышкан. Аталган факты боюнча “Адам уурдоо” жана “Адам өлтүрүү” беренелери боюнча кылмыш иши козголду.
