Казакстандын Атырау облусунда чөгүп кеткен унаанын ичинде эки адам каза болду. Бул тууралуу Tengrinews.kz жазды.
Ички иштер министрлигинин маалыматы боюнча, 17-октябрда милициянын участкалык инспектору Урал дарыясына бараткан унаанын изи түшүп калганын билдирген. Бул билдирүүгө ылайык, Атырау облусунун Өзгөчө кырдаалдар кызматынын кызматкерлери Нива үлгүсүндөгү унааны дарыядан чыгарышкан.
«Унаанын ичинен 1971 жана 1981-жылы туулган эки адамдын жансыз денелери табылган. Алардын денесинен эч кандай жаракаттар табылган эмес. Видеокамераларды кароодо 16-октябрда саат 23:18дер чамасында унаа сууга түшүп кеткени аныкталган. Учурда соттук-медициналык экспертиза дайындалды», — деп билдиришти ИИМден.