Бүгүн, 25-декабрда Казакстандын Актау шаарында Баку — Грозный каттамындагы учак кулады. Казакстандын ЖМКлары Транспорт министрлигине таянып, учакта кыргызстандын 3 жараны бар экенин жазып жатышат. Кулаган учак топ куштарга урунганы айтылууда. Азырынча кырсыктын кесепетинен 25 адам аман калганы айтылып жатат. Azerbaijan Airlines учагынын кыйрашына байланыштуу кылмыш иши козголгонун Tengrinews.kz жазды.
Ал эми социалдык тармактарда, ЖМКларда кырсык болгон жерде тартылган видеолор жарыяланып жатат.
