Алматыда менчик бала бакчалардын биринде 3 жашар кыздын жыныстык органы кесилип, канаган. Ошол учурда мекемедеги камералар иштебей калган. Бул тууралуу кыздын апасына таянып казак басылмалары жазышты.
Социалдык тармактарга тараган видеокайрылууда аял окуя 3-июнь күнү «Бактылуу балдар» менчик бала бакчасында болгонун билдирген. Анын айтымында, саат 7:50дө кызын бала бакчага аман-эсен алып барып, саат 9:30да тарбиячылар чакыртып, келүүсүн суранышкан.
«Бала кароочу чалып, кызымдын этек кири келип жатканын айтты. Мен аларга Тез жардам чакыртуу керектигин айттым», — деди апасы.
Кийинчерээк соттук-медициналык эксперттер кыздын кичинекей жыныстык органында кесилгенин аныкташкан. Апасы белгилегендей, бала бакчанын кызматкерлери кыздын жуулган кийимдерин кайтарып беришип, жаракат алган кызын апасы өзү таштап кеткенин айтып, күнөөлөшкөн. «Кызым 2 күн дааратканага бара албай ыйлады», — деди апасы. Ал видео көзөмөлдөн көрсөтүүнү талап кылган. Бирок ал күнү камера иштебей калганын айтышкан. Апасы кызынын эмне болгонун азыркыга чейин билбейт.