Мангистау облусунун Өзгөчө кырдаалдар башкармалыгынын башчысынын орун басары Бекболат Абдикадыров Казакстандын Актау шаарындагы кафенин жарылуусунун болжолдуу себебин атады. Анын айтымында, буга газ себеп болушу мүмкүн. Абдикадыров билдиргендей, кырсык болгон жерден эки газ баллон чыгарылды. Мекеменин ээсинин айтымында, урандылардын астында дагы ар бири 50 литрлик эки газ баллон калган.
Окуя кечээ, 7-ноябрда түнү болгон. Анда 29-кичи районунда жайгашкан эки кабаттуу «Аянат» кафесинде жарылуу болгон. Маалыматтарга караганда, жарылуу болгон учурда имаратта кызматкерлер жана кардарлар болгон эмес.
