Социалдык түйүндөрдө Казакстандын Көкшетау шаарындагы мектептердин биринде окуучулар жык толгон коридор тартылган видео тарады. Акмола облусунун билим берүү башкармалыгынан кырдаал боюнча комментарий беришти.
Видео учурда эки нөөмөттө иштеп жаткан Көкшетау шаарындагы №1 мектеп-гимназиясында тартылган. Мектепте 2866 бала окуйт, сабактар кадимкидей өтүп жатат. Мектеп жетекчилиги окуучулардын тыныгууга чыгуу жана сабакка кирүү графигин оңдогон. Өз убагында зарыл чараларды көрбөгөн мектеп жетекчилиги тартиптик жазага тартылды.