Казакстанда башаламандык учурунда 164 киши каза болду. Бул тууралуу аталган өлкөнүн саламаттыкты сактоо министрлигинен маалымдашты.
Маалыматка караганда, Алматы шаарында 103 киши, анын ичинен 2 бала, Кызылордада 21 адам, Жамбылда 10 киши, Алматы облусунда 8 адам каза болгон. Андан тышкары 2 миң 200дөн ашуун киши бейтапканага жардам сурап кайрылган. Жабыркагандардын эң көбү да Алматыга туура келет.