Казакстандын бир катар аймактарында орун алган массалык башаламандык учурунда каза болгондордун жана жабыркагандардын саны белгилүү болду. Бул тууралуу казак басылмалары өлкөнүн Башкы прокуратурасына таянып жазышты.
«Казакстан боюнча 4 миң 478 адам жабыркаган, алардын 3 миң 393ү — күч органдарынын кызматкерлери. Өзгөчө абал режими учурунда өлүкканага 225 каза болгон киши жеткирилген. Алардын айрымдары башаламандыкка катышкан куралдуу адамдар, 19у полиция жана аскер кызматкерлери. Калганы жай тургундар», — деди Башкы прокуратуранын кызматтарынын биринин башчысы Серик Шалабаев.
Саламаттыкты сактоо министрлигинин өкүлүнүн айтымында, 225 каза болгон адамдын 175и ооруканаларда көз жумган.