Нөшөрлөп жааган жамгырдан улам Дубайды суу каптады. Бириккен Араб Эмираттарынын эң ири шаарында сел жүрүп жаткан кадрларды социалдык тармактардын колдонуучулары жарыялоодо.
Khaleej Times гезитинин маалыматына караганда, аба ырайына байланыштуу метро каттамдары токтоду. Абу-Даби менен Дубайда көптөгөн имараттар жана райондордо электр энергиясы жана суу үзгүлтүккө учурады. Туруксуз аба ырайынын шартында Дубай мамлекеттик кызматкерлер, ошондой эле менчик мектептердин окуучулары үчүн аралыктан иштөө мөөнөтүн узартты. Бийлик жеке компанияларды кызматкерлерге үйдөн иштөөгө уруксат берүүгө жана жумушчулардын коопсуздугун камсыз кылууга үндөдү.
Казакстандык блогер Карина Оксукпаева Дубайда тартылган видеолор менен бөлүштү. «Дубайда дагы сел жүрүп жатат. Мен тез арада уулумду эмизишим керек эле. Эмне кылышты билбей жатам, унаалар жок», — деди блогер.